揸揸吓車我突然間諗🤔如果大吉利是要撤離入隔離營，呢21日會做咩？
正所謂上樓梯都有機會拉親，有啲嘢話唔埋，諗定準備一定冇錯。
如果要入隔離營，我會比隔籬型（笑），我諗，終於有時間可以練下日文，研究吓咖啡係咩一回事，同埋學習清酒的分別（齋睇書無得飲），呀，仲有學下投資囉，我虛擬買美股Tesla，暫時蝕咗兩萬幾😑（都好肉痛）
物資入面，我會帶部PS5入去（唔知得唔得呢）因為我而家煲緊Gundam Battle Operation 2，我發現抽到嗰啲MS真係好渣，人哋啲武器超勁我好多，咁當然我知係儲軍階升上去，但由於我係一個成熟嘅人，每日只係俾自己玩3鋪，所以而家都係上兵9，無計，入咗去應該可以狂煲。
當然做運動同埋室內跑馬拉松呢單嘢一定唔走得甩，唯一係唔放心貓貓。如果要隔離，兩隻貓貓應該會放喺相熟嘅動物診所度，但諗起妙妙米高21日見唔到屋企人，我哋就知咩事，但兩隻嘢一定會超擔心，諗到呢度都眼濕濕🥲
#好人一生平安
#唔怕一萬最怕十萬
#去Donki入定貨😎
#無mirror相 post因為未睇😅
Search